LEGAZPI CITY- Natapos na an final coordination meeting kan mga stakeholders para sa nagdadangadang na Private Schools Athletic Association na isasagibo sa ciudad kan Legazpi.
Segun ki Legazpi City Disaster Risk Reduction and Management Office head Engr. Miladee Azur sa intrevista kan Bombo Radyo Legazpi na nakahanda na an mga ilalatag na emergency asin medical response team.
Ini an ngani na madaling makapagtao nin asistensya enkasong igwang mga potential injuries asin mga emerhensya.
Pinaglalaoman kaya na nasa 10,000 na mga deligado an mapartisipar sa aktibidad.
Dugang pa kan opisyal na naisapinal na man an deployment kan mga kapulisan asin traffic controllers siring man an incident management team na masisirbing ‘men on field.’
Segun ki Azur na sa sa Hulyo 14, pinaglalaoman na maabot na an mga technical team kan Private Schools Athletic Association asin an mga opisyal kaini.
Pag-abot man kan Hulyo 14 hasta 17, padiit-diit ng maabot an mga contingents hali sa manlain lain na mga rehiyon para sa familiarization kan mga playing venues.
