Suwestyon kan grupo nin mga paratukdo sa nasyon na isurendir nalang kan Office of the Vice President an makontrobersyal na libro na pigsurat mismo ni Vice President Sara Duterte na may titulong “Isang Kaibigan”.
Ini makalihis na magrequest ini nin P10 milyon na pondo sa gobyerno para sa distribusyon kan nasabing libro sa mga estudyante.
Segun kay Benjo Basas, an Teachers Dignity Coalition Chairman sa intrevista kan Bombo Radyo Legazpi may mas epektibo suboot na paglaanan nin P10 million na pondo an gobyerno.
Segun sa saiya, pwedesir na gamiton an pondo sa pagpapa training kan mga reading teachers ngani na makatabang sa mga struggling readers.
Apwera pa digdi, mas magayon man suboot na tawan nin incentives an mga matitibay na paratukdo na kayang magsurat nin mga childrens book.
Dugang pa ni Basas na dae man maiibitaran na isipon kan publiko na saro ining propaganda ni Duterte huli ta saro ining politiko na may posibilidad na magdalagan sa masunod na eleksyon.
Sinabi pa ni Basas na mas marhay ng boluntaryong i-give up nalang kan OVP an nasabing bagay na ini ngane na dae na malaag pa sa alanganin an sitwasyon.
Alagad pigduon kan opisyal na importante man an mga siring kaining klaseng libro lalo na sa mga panahon na nagpupuon pa lang an mga aki na mag adal magbasa.
