Ipigdoon kan kampo ni Senador Ronald “Bato” Dela Rosa na bako siya sarong “fugitive from justice” o nagtatagong pugante, taliwas sa pahayag kan Office of the Solicitor General (OSG) katakod kan arrest warrant na iniluwas kan International Criminal Court (ICC).
Sa isinumiteng 117-pahinang tugon sa Korte Suprema, sinabi kan mga abogado ni Dela Rosa na nagtitinir siya sa laog kan nacion, hayagang nagbibisto sa hurisdiksyon ng Supreme Court, asin dae suboot nagtatago sa mga awtoridad kan Pilipinas.
Segun sa kampo kan senador, kinukuwestiyon ninda an hurisdiksyon kan ICC asin an legalidad kan pagpapaotob kaini sa Pilipinas, kabale an arrest warrant laban kay Dela Rosa. Huli digdi, sinabi nindang dae pwedesir ituring na pugante ang senador mantang dae pa nalulutas an orolay mapadapit sa bisa kan nasabing warrant.
Ipigdoon man kan legal team ni Dela Rosa na warang nag-iiral na lokal o Philippine court-issued warrant laban sa senador kaya wara suboot siyang legal obligation para magsurender.
Naenot nang hinagad kan OSG sa Korte Suprema na ibasura ang petisyon ni Dela Rosa laban sa ICC warrant huli suboot sa kawaran nin merito.
Segun sa OSG maikokonsiderar na fugitive ang sarong tawong sadyang naglilkay sa pagpapaotob kan ley, bagay na iniuugnay ninda sa suboot pag-iwas ni Dela Rosa sa pag-aresto.
Siring man, sinabi kan kampo kan senador na dae sya nagtago, dae naghali kan nacion, asin padagos na nag-aatendir sa mga pampublikong pagtitipon asin legal process.
Magigiromdoman naghali si Dela Rosa sa Senado kan maagahon kan Mayo 14 matapos ang insidente nin pambabadil sa Senado kan banggi kan Mayo 13.
Sa ibong kaini, sinabi ni Senate President Alan Peter Cayetano na dae “nagtakas” an senador huli wara man na local warrant of arrest laban digdi.
Padagos man na pighahagad kan kampo ni Dela Rosa sa Korte Suprema an pagpapaluwas kan temporary restraining order (TRO) asin iba pang injunction nganing pugulan an pagpapaotob kan ICC warrant asin maiwasan an anumang pag-aresto laban kay Bato Dela Rosa.
