LEGAZPI CITY-Suportado kan grupo nin mga paratukdo an pag-convene kan Senado bilang impeachment court.
Piglalaoman man ninda na manimbag an dapat na mapanimabag sa mga naglustay kan pondo sa gobierno.
Segun kay Alliance of Concerned Teachers Chairperson Ruby Ana Bernardo, sa intrevista kan Bombo Radyo Legazpi suportado ninda ini huli ta ini an paagi ngani mapatunayan kun igwang nilustay na kwarta.
Dagdag pa niya na dapat panaguton an imbuelto digdi huli ta hinabunan nin futuro an mga estuydante.
Dai man niya lubos maisip na hinabunan pa an sektor kan edukasyon mantang nagsisiksikan sa sarong classrooms an mga estuydante alagad igwang nalustay na kwarta.
Mientras tanto, nasa rollout na kan mga paratukdo an panibangong polisiya na three term school calendar, kasabay man an ARAL Program.
Alagad tinawan doon pa ni Bernardo na dapat na magkaigwa liwat nin following orientation para sa programa huli ta kadakol na mawot na baguhon, poon sa mga sustenableng learning competencies
