LEGAZPI CITY-Dismayado an grupo nin mga paratukto sa paghale kay Senator Bam Aquino bilang chairman kan basic education committee.
Segun kay Alliance of Concerned Teachers Chairperson Ruby Ana Bernardo, sa intrevista kan Bombo Radyo Legazpi na makompromiso an edukasyon asin anuman na serbisyo para sa taumbayan sa ngaran kan politika.
Alagad nilinaw niya na maski sisay man an mapaduman sa committee on basic education, ibubusol ninda an saindang mga pangapudan.
Kaiba na digdi an dagdag sa budget, pagpuna sa kadakol na mga kakulangan, siring kan saindang sahod.
Pig-challenge man suboot ninda si Senator Loren Legarda bilang bagong pinuno kan komite na isantabi an kulay sa politika sa ngaran kan milyon-milyong estuydante na nangangaipohan nin tabang asin sa ngaran kan mga paratukdo na overworked asin underpayed.
Piglalaoman man kan grupo na ipapadagos kan Senador an nagkapirang development se lado kan edukasyon asin suportaran an propwestong dagdag na sahod.
Dagdag pa ni Bernardo na “very challenging an pagbubukas kan klase ngonian na Hunyo 8 orog na sa pag-address kan chronic funding sa edukasyon.
Piglalaoman man na makaolay kan grupo an Senador asin presenteng chairman kan komite sa edukasyon ngani makapag-courtesy call asin maisangat ninda an mga programa asin demand kan sektor.
Kun san kadakol na dapat pagolayan siring kan pagpapaotob nin Trimester Calendar, pagbabago sa curriculum, asin mga programa kun sain mawot nindang madangog an stance kan bagong chairman kan komite.
