LEGAZPI CITY—Ipigdoon kan sarong political analyst na dae nahahali an posibilidad na magkaigwa liwat nin pagbabago sa liderato kan Senado maski nagpuon na an impeachment trial ni Vice President Sara Duterte.
Segun ki Dr. Dennis Coronacion, sarong political analyst, sa intrevista kan Bombo Radyo Legazpi, posible ini huli sa pagbale kan duwang senador na sinda Senator Juan Miguel Zubiri and JV Ejercito sa minority.
Magigiromdomang enot nang nag-abstain an mga nasabing senador sa pagboto ki Sen. Alan Peter Cayetano asin Sen. Vicente “Tito” Sotto III bilang Senate President.
Huli kaini igwa nang nasa 11 na senador an nasa minority kun sain dae na ini naharayo sa 13 boto kun magkaigwa liwat na pagbabago sa liderato.
Dugang niya na wara man na nagsasabi na ley o Senate rules na dae pwedesir magribay nin liderato durante kan sarong paglilitis.
May posibilidad man suboot na makudeta si Senate President Alan Peter Cayetano huli sa bako stable an 13 senador na nasa majority asin 11 minority, asin diit sana an deperensya kan mga nasabing numero.
