LEGAZPI CITY—Arestado an sarong tattoo artist sa ginibong buy-bust operation sa Purok 4, Brgy. 7-Baño, Legazpi City.
Binisto an suspek na si alyas “Troy,” 37-anyos, tattoo artist asin residente kan nasabing ciudad.
Naaerestar ini makalhis magpabakal sa poseur-buyer nin sarong pakete nin pigtutubudang shabu sa kantidad na P1,500.
Sa kinundusir na body search, narekober pa an duwang pa pakete nin pigtutubudang shabu na may kabilogang gabat na 0.4 gramo asin may Standard Drug Price na P2,720.
Nasa kustodiya na ini kan Legazpi City Police Station asin mahahampang sa kasong pagbayolar sa Republic Act 9165 o ang Comprehensive Dangerous Drugs Act of 2002.
