Laoman an panibagong taas presyo sa huring semana kan Agosto.
Basado sa pagkarkulo kan Department of Energy sa apat na aldaw na trading, piglalaoman an P2.23 na kada litro na paglangkaw sa diesel.
Mantang an gasolina an igwa nin hasta P1.40 sa kada litro na paglangkaw asin igwang P1.51 sa kada litro man an piglalaomang paglangkaw sa kerosene.
Sa aldaw kan Lunes, iluluwas kan DOE an tunay na listahan kan paglangkaw kan presyo kan petrolyo na komon na pigpapaotob sa aldaw kan Martes.
