LEGAZPI CITY—Padagos na mataong serbisyo an Tabaco Animal Rescue and Adoption (TAARA) sa ibong kan pagsarado kan Albay Animal Rescue and Adoption sa probinsya kan Albay.
Segun ki Tabaco Animal Rescue and Adoption Head Volunteer, Ednalyn Cristo, sa intrevista kan Bombo Radyo Legazpi, na diretso sana sinda na mataong serbisyo lalo na ngunyan na dakulang kabawasan an pagsarado kan Albay Animal Rescue and Adoption sa animal welfare sa nasambitang probinsya.
Alagad tinawan-doon man ni Cristo na sarong ining angat sa saindang opisina huli kan mas mahiwas na sakop, mas halawig an distansya kan mga kaipuhang i-rescue, asin mas dakol na pondo an kaipuhan para ma-mobolize an mga rescue operations, kun kaya kinakaipuhan man ninda nin mas dakol sa suporta sa komunidad.
Dugang kan opisyal na an resources an saro sa saindang pighahampang na kadificilan.
Sa ngunyan, nakadepende suboot sinda sa mga donasyon kan saindang mga suportadores para masusteniran an mga pangangaipuhan kan mga na-rescue na hayop.
Mientrastanto, naglalaom man an opisyal na sinda masuportaran man kan publiko para maipadagos an saindang adbokasiya sa pagmakulog sa mga hayop.
