LEGAZPI CITY-Dakulang bagay para sa Pilipinas an suporta kan Germany sa Pilipinas sa posisyon kaini sa West Philippine Sea (WPS).
Hayagang ipighayag ni German President Frank-Walter Steinmeier sa saindang miting ni President Marcos sa Palasyo kan Malakanyang an suporta kaini sa Pilipinasm orog na sa pagtaguyod sa rule of law asin paggalang sa 2016 Arbitral Award.
Nagpasalamat man si President Marcos sa Germany, sa saindang suporta para sa pagpapakusog asin modernisasyon kan Philippine Coast Guard (PCG) sa lado kan maritime asin aviation operations.
Kaiba sa tabang kan Germany an pagtatao nin duwang Airbus H145 twin-engine helicopters kan 2019 asin mga unmanned aerial vehicles (UAVs) kan 2024.
Pinag-olayan man kan duwang lider an mga kasunduan sa ekonomiya, depensa, asin katoninongan.
Tinawan doon man ni Marcos na magtetenir an Germany bilang pinakadakulang suporta kan Pilipinas sa kalakaran sa bilog na European Union, na igwang kabilugang palitan nin kalakal na nagaabot sa USD 5.5 bilyon kan 2025.
Inomaw man kan Presidente an kontribusyon kan labi sa 45,000 Pilipino sa Germany, partikular na an mga nars asin iba pang propesyunal na nagpapatatag sa relasyon kan duwang nacion.
