Ipigbuyagyag kan Department of Agriculture na haros naubos na an suplay nin sira sa Pilipinas huli sa sobra-sobrang pagdakop.
Huli digdi, pinagpaplanohan kan ahensya an pagpapahewas pa kan pigpapaotob na fishing ban o closed fishing season ngani na makapagpadakol pa an sira.
Sa ngunyan nagpapaotob na nin closed fishing season sa Zamboanga asin Palawan alagad kulang man giraray ini ngani na maibalik an dating suplay nin sira sa nasyun.
Inengganyar man kan Department of Agriculture an mga parasira na magkaigwa na nin aquaculture na sistema kung sain pigpapadakol an sira sa fishpond o salog.
Kaiba sa mga pwedeng mapadakol digdi an mga sira sa tubig tabang siring kan bangus, tilapia, asin pampano.
