Nagtao an Social Security System (SSS) nin labi P1.15 bilyong calamity loan sa haros 70,000 miyembro na naapektaran kan mga nakaaging bagyo.
Segun kay Carlo Villacorta, OIC head kan Public Affairs and Special Events Division kan SSS, obheto kan pautang na ini na matabangan an mga miyembrong makabuwat asin makapagpreparar para sa maabot na Kapaskuhan.
Nganing magin kwalipikado, kinakaipuhang may dae mababa sa 36 na bulanang kontribusyon, anom dapat digdi an naipasa sa laog kan huring 12 bulan bago an aplikasyon, asin naka-istar sa mga lugar na idineklarang nasa irarom kan state of calamity.
An calamity loan an may 10% taunang interes asin pwedeng bayadan sa laog nin duwang taon.
