LEGAZPI CITY- Pinaglalaoman na magigin dakulang benepisyo para sa mga paraoma an nasa sampulong solar pump irrigation sa provincia kan Albay.
Segun ki National Irrigation Administration Albay Manager Engineer Cloyd So sa intrevista kan Bombo Radyo Legazpi na pighihiling na mareresolberan kan proyekto an problema kan mga paraoma na naglalaom sana sa tubig-uran.
An nasabing proyekto an pigtagamahan nin nasa P400 million para sa pagpapatubig kan nasa 400 na hektarya nin tanuman.
Pinaglalaoman na magbebenepisyo digdi an an nasa 400 na mga paraoma hali sa nagkapirang barangay kan Daraga, Legazpi asin Libon.
Segun sa opisyal na dakula an matitipid kan mga paraoma huli ta dae na kinakaipuhan na gumamit pa nin gasolina kaya makakabawas sa gastos sa farm inputs.
Pig-oorgulyo man ni Engineer So na an nasabing solar pump projects an artificial intelligence generated kaya namo-monitor kaini kun igwang problema sa kakulangan nin tubig.
