LEGAZPI CITY-Pigpapahanap na ngonian kan Department of Justice an testigong si Orly Guteza, na suboot dating security consultant ni resigned Ako Bicol Partylist Rep. Zaldy Co.
Segun kay Justice Secretary Jesus Crispin ‘Boying’ Remulla, sinabi niya ini sa National Bureau of Investigation ngani matukoy an lokasyon kan nasabing testigo.
Sa presente kaya, an wara pa sindang impormasyon kun hain si Guteza matapos maglantad sa Senado alagad dai suboot makuwa an nasabing testigo ngani makipagkoordinar sa kagawaran.
Magigirumduman na si Orly Guteza an siyang nagsiwalat kan suboot male-maletang basura, an codename sa pera na pigpapadara suboot kay former House Speaker Martin Romualdez asin former Congressman Zaldy Co.
