LEGAZPI CITY- Suportado kan Simbahang Katoliko an trabaho kan Philippine National Police (PNP) na pagpuho sa kriminalidad ngani na mamantinir an paz y orden.
Ini an pahayag ni Father Rex Arjona kan Diocese of Legazpi.
Sinabi kan padi na pigsusuportaran ninda an lakdang kan kapulisan hasta sa susog ini sa ley.
Obligasyon suboot kan PNP na imantinir an paz y orden alagad obligasyon man kan Simbahan siring na kan mga namamanwaan na manindogan sa kun ano an tama.
Dugang pa ni Father Arjona, pwedesir na apudon an war on drugs bilang kampanya bako sana kan gobyerno alagad kan bilog na nasyun kun magsusunod sa ley an mga ma-implementar kaini.
Bako man ini pabor sa pahayag ni Presidente Rodrigo Duterte na paggadan sa mga pulis na imbwelto sa droga na inapod ni Father Arjona na “utak pulbura.”
Sa ngunyan, padagos suboot an pangapodan kan Simbahan sa mga tawo na magtaram asin manindogan huli ta dae man maipapasar an padusang kagadanan kun dae ini pig-uuyunan kan kadaklan.
