Nagtutubod si dating Sen. Antonio Trillanes XIV na magkakaigwa pa nin pagbabago sa panindugan kan mga senador mapadapit sa impeachment complaint laban kay VP Sara Duterte.
Ini an sa oras na mapuonan na an impeachment trial laban kay VP Sara Duterte.
Inihalimbawa ni Trillanes an saiyang naging eksperyensya kan 2012 kan pig-hearing kan halangkaw na kapulungan ang impeachment case ni dating Chief Justice Renato Corona.
Nagbabago suboot an desisyon kan mga senator-judge depende sa pirang rason kan ipigpipresentang ebidensiya sa kasagsagan kan trial, pulso o pananaw kan publiko, asin ‘policy question’
Kung babalikan, si Trillanes an saro sa mga senador na nag-botong guilty si dating CJ Corona.
Segun ki Trillanes, bako man malinaw kan enot kun pirang senador an masuporta para sa conviction ni Corona sagkod sa dagos man ining sinuportaran kan labi 2/3 kan mga miyembro kan mataas na kapulungan.
Kaipuhan nin 16 na boto sa Senado para sa conviction kan inirereklamong impeachable official.
