LEGAZPI CITY—Nakatalaang magkundusir nin job fair an Department of Labor and Employment Bicol sa sarong mall sa Legazpi City, kasabay kan obserbasyon kan Labor Day, ngunyan na Mayo 1.
Segun ki DOLE Bicol Regional Director, Imelda Gatinao, sa intrevista kan Bombo Radyo Legazpi, maabot sa 19 na kumpirmadong local employers na may 1,172 na bakanteng posisyon, asin sarong overseas employer na may 565 na bakanteng posisyon na ipigtangro para sa mga mawot na maghanap nin trabaho.
Dugang niya na may isasasagibo man na job fair sa kaparehong aldaw sa provincia kan Masbate.
Abiso man kan opisyal sa mga job seekers na ipreparar an saindang mga dokumento siring kan resume, valid identification cards, mga clearances kun kinakaipuhan, mag-abot nin amay, asin aprobitsaran an mga serbisyong saindang iprineparar para sa publiko.
Tinawan-doon ni Gatinao, na an Labor Day an bako sana sarong selebrasyon kundi saindang konkretong aksyon nganing pahigoton an trabaho asin kabuhayan sa rehiyon kan Bicol.
