Ipighayag ni Senadora Imee Marcos na dakol na mga senador an nagkulog an buot makalihis na dae pagbigyan an apela sa caucus na dugangan an pondo kan Office of the Vice President para sa 2025.
Binanggit pa kan senadora an mga pangaran ninda Senator Ronald “Bato” dela Rosa, Christopher “Bong’ Go, Robinhood Padilla asin senator Cynthia Villar.
Kinuwestyon kaya sa caucus kun nata dae dinugangan an pondo kan nasabing opisina alagad ipigdahilan na dae man naghagad an opisina kan bise presidente nin dugang na pondo.
Tinabla naman ni Marcos ang sinabi ni Senate Committee on Finance Chairman Senadora Grace Poe na capacitated o may kakayahan an OVP na makapagtrabaho sa P733 million na pondo para sa 2025.
Pigduon kan senadora na bako bastante an nasabing pondo huli ta dakol na mga empleyado kan Office of the Vice President an mawawaran nin trabaho asin magsasarado man an mga regional asin provincial offices.
Marurumduman na namantenir kan Senador sa irarom kan 2025 General Appropriations Bill an P733 million na pondo kan Office of the Vice President basado sa ipigrekomendar na pondo kan Kamara.
Hali ini sa orihinal na proposed budget na nasa P2.03 billion.
