Ipigsunad ni Senator Imee Marcos an Senate Bill No. 2067 o propuestong obheto na i-octaba an Barangay asin Sanguniang Kabataan Elections (BSKE) hali sa Nobyembre 2026 pasiring sa Oktubre 2027, huli sa pagkahadit na posibleng dae makaboto an dakol na mga Pilipino huli sa halangkaw na pamasahe katakod kan mahal na langis.
Ipigduon sa propuesto na kun mao-octaba an pirilian, magpapadagos an magigin serbisyo kan mga opisyal nin barangay, na sarong dakulang tabang ngani na matutukan ninda an pagtatao sa pangangaipo kan saindang komunidad sa tahaw kan krisis.
Afuera digdi, ipinunto man na maabot sa P16 bilyon an gagastuson para sa nasabing pirilian, basado sa Commission on Election (COMELEC).
Afuera pa ini sa dugang na gastos sa Philippine National Police (PNP), Department of Education (DepEd) asin mga lokal na gobierno.
Tinawan duon ni Maros na mas marhay kun gagamiton muna an bilyun-bilyon na pondo sa pagtatao kan pangenot na pangangaipo kan mga Pilipino sa pagkaon, krudo, asin iba pang serbisyo.
