Nangapudan si Senator Imee Marcos sa bagong liderato kan Senado na pinamamayuhan ni Senate President Alan Peter Cayetano na tulos na ipagpadagos an imbestigasyon kan Blue Ribbon Committee katakod kan suboot flood control corruption scandal.
Ipigdoon ni Marcos na dapat “buksan na” ang Blue Ribbon Committee asin halion an anumang pagtakop sa isyu.
Inengganyar man niya an komite na presenteng pinamamayuhan ni Senator Pia Cayetano, na ipaapod an mga personalidad na suboot imbuelto sa kontrobersiya.
Kabale sa saiyang nabanggit an 18 dating Marines, dating kongresistang si Zaldy Co, dating Executive Secretary Lucas Bersamin, asin dating undersecretary Adrian Bersamin.
An pangapudan an kasunod kan padagos na diskusyon sa Senado mapadapit sa transparency asin accountability sa mga proyekto kan gobyerno, partikularmente sa flood control programs na sinasabing pinagpuonan kan suboot iregularidad.
Mientrastanto wara pang opisyal na tugon sa presente an Blue Ribbon Committee sa pangapudan ni Marcos.
