LEGAZPI CITY-Nagpatutsadahan sa social media si Bicol Saro Party-list Rep. Terry Ridon asin Senador Imee Marcos makalihis an pagluwas kan alegasyon sa isinagibong pagdangog kan Blue Ribbon Committee na pinangenotan kan Cayetano bloc.
Durante kan hearing, sinabi kan sarong dating Marine na si Rosebert Waupan na nahiling suboot niya an sarong maleta na pigdeliver kay Ridon asin pigkarga sa BMW vehicle sa Quezon City.
Kasunod kaini, si Senador Imee Marcos nagpost nin sarong quote card na may parte kan testimonya asin pig-caption ini na “Wag mo siyang ma-TERRY TERRY”.
Tulos man na nagsimbag si Ridon sa social media asin pinahimutikan an alegasyon.
Bago pa man an mga patutsada, mahigot na pinahimutikan ni Ridon an mga alegasyon laban saiya.
Bilang saro sa mga piskal kan Kamara sa impeachment case kontra ki Bise Presidente Sara Duterte, nanindugan man si Ridon na dae makakaapektar an mga alegasyon sa saindang trabaho.
