Kinumpirmar kan Senate Director of Protocol Services na wara sindang iniluwas na travel authority (TA) kay Senator Robin Padilla na nasa The Netherlands.
Kabale kaya an senador na kaibanan ni Vice President Sara Duterte asin dating presidential spokesperson Harry Roque na bumiyahe sa The Hague, Netherlands nganing bisitahon si dating Pangulong Rodrigo Duterte.
Nakasaad sa Senate Policy Order on Foreign Travels na na-amyendahan kan 2016 sa irarom ni Senate President Franklin Drilon, na dae na kaipuhan na kumuwa nin TA kun personal an biyahe.
Ini an epektibo sa mga senador siring man sa mga empleyado kan senado.
Magigirumduman na binisita kan bise presidente an saiyang ama na nakakulong sa International Criminal Court huli sa kasong crime against humanity kawsa kan kampanya niya sa iligal na droga.
 to Senator Robin Padilla who is in The Netherlands.){kind=link}