Nagkaigwa nin ribayan nin pahayag sinda Senator-Judge Robin Padilla asin private prosecutor Atty. Mae Divinagracia sa impeachment trial katakod kan paggamit nin mga alias.
Sa paghahapot ni Padilla, binanggit niya an nagkapirang alyas na ginamit suboot kan mga heroe kan Katipunan siring kan “Dimasalang,” “Siling Labuyo,” “Maypag-asa,” “Magtalo” asin “Leon Kilat.”
Ikinumparar niya ini sa paggamit nin mga alias kan mga miyembro kan NPA, na suboot importante ngani na mamantenir an pagkakabisto asin mga hiro kan confidential sa panahon kan armadong tunggalian.
Pigduon man ni Divinagracia na dae dapat maging isyu an paggamit nin alias huli ta bako man suboot ini an isyu sa paglilitis.
Dae man ini inuyunan ni Padilla, na ipigduon na importanteng pag-olayan an paggamit kan mga alias huli ta parte ini ini kan orolay sa pagkakabisto asin pagigin confidential.
Sa hudyan, nagkaigwa nin pagtutol hali sa prosekusyon makalihis banggiton ni Padilla an pangaran na “Marcelino Bonifacio,” na sinabi niyang alyas suboot ni dating senador Benigno “Ninoy” Aquino Jr.
