LEGAZPI CITY- Nagtutubod an sarong political analyst na dapat na urog na mapahiwas an sakop kan padusang kagadanan.
Kinuwestyon ni Professor Alex Guzman, nagtutukdo nin Political Science sa Bicol University an dae pagbale sa mga kaso nin murder asin rape sa propuesto.
Ini kaya suboot an mga krimen na urog na karumal-dumal.
Dugang pa ni Guzman, nagigin biktima kaini an mga kasaradayan na kun minsan, nagigin unreported pa.
Ini an saiyang reaksyon makalihis na mapag-uyunan sa Kamara de Representantes na solamenteng an mga imbwelto sana sa droga an sentensyahan nin death penalty.
Pighihiling ini ni Guzman bilang give and take relationship kun sain posible suboot na nag-boto na nin pagpabor sa propuesto an mga dating kontra digdi karibay kan dae na pagbale kan kasong plunder sa propuesto.
Pasado na sa lower house sigon sa propesor an padusang kagadanan huli ta kapot na kaini an bastanteng numero asin isinagibo an pagbasa bilang parte na sana kan pormalidad.
