LEGAZPI CITY-Naarestar kan mga opisyal kan Bureau of Immigration (BI) sa Ninoy Aquino International Airport (NAIA) Terminal 1 an sarong Pilipina na pighihinalaang biktima kan sarong mail-order-bride scheme.
Pigheras ni Commissioner Joel Anthony M. Viado an pagkakaarestar sa 41-anyos na Pilipina na pigibahan kan sarong 52-anyos na lalaking Moroccan.
An tunay na pagkatawo kan biktima asin an pighihinalang imbuelto, dai pa pigtataram huli sa ley laban sa human trafficking.
Enot na man na sinabi kan babaeng biktima na siya mabiyahe pasiring sa Morocco na igwang layover sa Kingdom of Saudi Arabia (KSA) kairiba an saiyang pigsasabing agom sa NAIA Terminal 1.
Naaraman man kan mga opisyal an mga dai nagtutugma na mga pahayag kan mga ini.
Sinabi ni Viado na sa saindang imbestigasyon na an duwang indibidwal, kahinahinala kan pighahapot mapadapit sa saindang mga detalyes sa pagbyahe.
Kinumpirma man kan forensic documents laboratory kan anti-fraud section kan Bureau of Immigration (BI) na peke an ipinahiling na dokumento.
Dagdag pa ni Viado, na dai ninda tutugutan an mga pekeng dokumento asin an mg aindibidwal na nadakop na nagagamit kaini mahahampang sa mga penalidad basado sa ley.
