LEGAZPI CITY—Arestado an sarong lalaki na kabale sa bagong listahan nin mga drug personalities sa ikinundusir na buy-bust operation kan mga otoridad sa banwaan kan Malinao, Albay.
An suspek binisto na si alyas “Lyako”, nasa legal na edad asin residente kan nasabing banwaan.
Naarestar ini sa pinagsarong operasyon kan Malinao Municipal Police Station kaiba an Albay Provincial Intelligence Unit, 2nd Police Mobile Force Company, Albay Maritime Police Station asin Philippine Drug Enforcement Agency Regional Office 5.
Nakumpiskar sa suspek an nasa 1.7 gramos nin pigtutubudang shabu na may market value na P11,560.
Presenteng nakakarsel an suspek asin nahahampang sa kasong pagbayolar sa Republic Act 9165 o Comprehensive Dangerous Drugs Act of 2002.
