LEGAZPI CITY-Naarestar kan mga pulis an sarong lalaki na nasa listahan kan Provincial Most Wanted Persons kan Masbate huli sa krimen na murder, sa ginibong operasyon sa Padre Garcia Municipal Station sa .
Segun kay Police Staff Sergeant Jose Pacheco, kan Masbate 1st Provincial Mobile Force Company (M1st PMFC), sa intrevista kan Bombo Radyo Legazpi, nai-file an kaso sa suspek kan taon 2010 pa, sa ipinaluwas kan honorable judge kan Branch 44 Regional Trial Court kan Ciudad kan Masbate.
Nagtago suboot an suspek sa mga kabistado kaini sa lugar, na tulos man na ipigtaram kan mga residente sa kumunidad an likasyon kaini sa mga kapulisan.
Nakatenir ngonian an nasambitang suspek sa Padre Garcia Municipal Station sa Batangas.
Mientrastanto, ikinaogma man ini suboot kan pamilya kan biktima sa Masbate huli sa pagkakaarestar kaini.
Dugang pa ni Pacheco, bako lang saro an naaarestar kan mga kapulisan, alagad 4 ini na kabale sa most wanted na mga personahe, na nakatenir sa lugar kan Bulacan Caloocan asin Pasig, an saro suboot digdi sarong miyembro kan communist terrorism group.
Pagirumdom man kan polisya na padagos an saindang mahigot na programa kontra sa krimen, droga, asin terorismo ngani masierto an katoninongan sa lugar.
