LEGAZPI CITY – Nasulo an sarong gasolinahan pirang oras bago magpoon an Fire Prevention Month sa Barangay Homapon, Legazpi City.
Segun ki Legazpi City Fire Station chief operation Senior Fire Officer 4 Garry Santander sa intrevista kan Bombo Radyo Legazpi na bako suboot ini su normal asin ordinaryong gasoline station na nahihiling digdi sa ciudad nin huli ta sadit sana an kapasidad kaini.
Uminabot man an nasabing kasulo sa first alarm kun sain tulong fire truck an nagtarabangan nganing matumpos an nasusulong gasolinahan asin maideklarang fire-out.
May nairehistro man sindang duwang nalugadan asin dae na man nakadamay nin mga kataraid na mga harong sa nangyaring insidente.
Ipigpapasalamat man kan opisyal na may haraning sub-station an saindang opisina kun kaya madali na naka-abot an saindang team sa nasabing barangay.
Sa presente, pig-aaram pa kan saindang mga fire investigator an kawsa asin danyos kan nasabing kasulo.
Pagirumdom kaini sa publiko an permihang pag-iingat nganing makalikay sa pagkasulo kan saindang mga pagsadiri.
Siring man an saindang pangapodan na tulos ipagsumbong sa saindang opisina kun may kasulo huli suboot ta nahahaloy an saindang pagresponde nin huli man ta pig-iinot kan mga tawo na mag-video imbis na magsumbong.
