LEGAZPI CITY-–Sarong Bicolano designer na gikan sa banwaan kan Sto. Domingo, Albay an nagkrear kan official token sa ginibong State of the Nation Address ni Presidente Ferdinand R. Marcos Jr., kan Lunes, Hulyo 27.
Segun ki Gerbert Balaoro, sa intrevista kan Bombo Radyo Legazpi, an napili saiyang disenyo an Liderato laptop bag and kit bag na gibo sa abaca asin sa provincia kan Albay mismo ginibo.
Obheto niya na maipabisto an materyal na abaca asin an gibong-Albayano.
Nag-abot sa 1,200 an saindang nagibo na token para sa nasabing okasyon.
Dugang kaini na liwat na maisho-showcase an saindang disenyo para sa ASEAN Inter-Parliamentary event kun sain bako na sana mga Pilipino an makakagamit kan saindang produkto kundi magin an taga-ibang nacion.
Mientras tanto, si Balaora an aki nin sarong weaver asin graduate nin Bicol University sa degree program na Industrial Design.
