Legazpi City– Gadan an sarong 7 anyos na aki makalihis ining malamos sa parte kan San Francisco River sa Barangay Ubaliw, Polangui Albay.
Sa intrevista kan Bombo Radyo Legazpi kay Christopher Encisa, an Supervisor kan Polangui Emergency Quick Response team, mantang nagkakawat sa salog an aki ay bigla ining nahulog sa salog.
Tulos man na nagresponde an mga otoridad kasabay na an team kan Polangui EQrt makalihis na maresibe an apod manungod sa insident.
Naging padipisilan man an paghahanap sa aki na inabot nin haros 30 minutos huli sa lawak man kan naunambitang salog.
Pinagbalo pa man na irevive an aki alagad deneklarar ini gadan na kan madukayan kan mga otoridad.
Liwat man na nagpagirumdom an opisyal sa mga magurang na bantayan an saindang mga aki nin huli sa ini na an ika duwang beses na igwang nalamos na aki sa banwaan ngunyan na bulan.
