LEGAZPI CITY – Natukar sa isinagibong regular session kan Sangguniang Panlalawigan kan Albay an pigsasagibong road construction project sa Barangay Busay sa banwaan kan Daraga kan kaparehong provincia.
Pigsuhestyon ni Albay 3rd District Board Member Das Maronilla na kaipuhang ikondusir sa nasambitang pa-tinampo an traffic management asin proper inspection huli sa pigtataong pasakit sa mga motorista.
Paliwanag niya kaya na pig-aabot na sa labi 30 minutes an nasasayang sa oras kan sarong motorista nganing makaagi sana sa pigpapakarhay na tinampo na nagtataong kadifisilan sa sainda urog na kun palaog pa sana sinda sa saindang mga klase asin trabaho.
Afuera sa mga motorista an may naka-abot na man suboot saiyang sumbong hale sa mga residentes kan nasambitang barangay mapadapit sa piggigibong road construction.
Nangangapodan man an opisyal sa Gobierno Provincial asin sa Department of Public Works and Highways asin sa opisyales kan Barangay Busay bugtakan nin mga traffic enforcers tuyong peak hours nganing magmando kan gubot kan trapiko, pagbubugtak nin mga warning signs asin iba pa.
Pagdoon ni Board Member Maronilla na an saiyang mga pangapodan asin suhestyon an importante sa nagdadakol na numero kan mga byahero na nag-aagi sa Barangay Busya na hale pa sa kataraid na ciudad asin munisipalidad.
