LEGAZPI CITY-Nagtipon an labi sa 100,000 katawo sa Tel Aviv noong kan Sabado ngani ipahayag an pagtutol sa plano ni Israeli Prime Minister Benjamin Netanyahu na pahiwason an operasyon sa Gaza.
Huli ini sa ipinaluwas na pahayag kan opisina ni Netanyahu na nagpayag na an security cabinet kan israel na sakupon an Gaza City.
Katakod kaini kadakol an nagpahayag nin pagkatakot asin ang lakdang suboot an magreresulta sa peligro sa mga hostages na kapot kan Hamas.
Segun sa mga survey, dakulang parte kan mga Israeli an naglalaom na mapundo na an gera ngani mailigtas an mga natatadang hostages na sa presente nasa 20 hostages an nagtetenir na buhay.
Afuera digdi, naglalaom man nin tulos na ceasefire asin esolusyon para sa hostage crisis.
Poon kan gera kan Oktubre 7, 2023, labi sa 1,200 Israelis an nagadan asin 251 digdi an dinukot kan Hamas, asin nasa labi sa 400 Israeli soldiers man an nagadan sa Gaza.
Kritikal man an pahayag kan mga European allies kan Israel mapadapit sa plano kan gobierno na sakupon an Gaza City kung sain nagkapirang kairiba ni Netanyahu sa coalition, nagsasangat nin ganap na pagsakop sa Gaza, alagad an military nagbabala na magreresulta sana ini nin peligro orog na sa mga hostages.
Sinabi man ni Netanyahu na ag militar an igwang plano na kontolon an bilog na Gaza, asin sinabing dai ninda obheto na sakupon an nasabing teritoryo.
Segun man sa Ministry of Health kan Gaza, uminabot na sa labi 61,000 an mga nagadan sa kampo kan mga Palestinians asin igwang 39 pa an nagadan sa huring 24-oras.
Sa ibong kan numero kan mga nagagadan, padagos na nangangapudan sa gobierno an mga international organizations na magpundo na asin poonan an mapayapang negosasyon para sa mga apektadong sibilyan.
