LEGAZPI CITY-Aprobado na kan Bicol Regional Advisory Board an pagkakaigwa nin rehabilitasyon kan Slaughterhouses o mga karnehan sa ciudad kan Ligao sa Albay.
Segun kay National Meat Inspection Service (NMIS) Bicol Regional Director Dr. Alex Templonuevo sa intrevista kan Bombo Radyo Legazpi, pigaprobaran ini kan Bicol Regional Advisory Board kairiba an Department of Trade and Industry, Department of the Interior and Local Government, Department of Public Work and Highways, Department of Evironment and Natural Resources asin Department of Agriculture.
Dagdag pa kan opisyal na alternatibo ini asin parte an pag-upgrade asin expansion kan pasilidad ngani mapreserve asin magkaigwa nin hygienic na mga slaughter houses sa nsambitang lugar.
Sa pag-slowdown sa produksiyon nin mga karneng orig liwat sa mga diseases, kaipuhan suboot an pag-ugrade kan mga slaughter houses huli ta igwa man sana na available na pondo ngani makatabang suboot sa pag-maximize asin maapply ini sa mga produksiyon sa bilog na rehiyon.
Magkakaigwa man suboot nin pag-upgrade sa mga serbisyo huli sa pag-upgrade kan mga equipment ngani masierto an seguridad kan mga pagkaon na nagcocomply sa Republic Act No. 10611 o an Food Safety Act of 2013.
Pigkokonsiderar man an operasyon na ini huli sa naraot an dating slaughter houses kan mga nakaaging pagbagyo kaya kaipuhan na magkaigwa nin pagmamantenir.
Hanggang doble-A standard an mga kwalidad sa rehiyon kan Bicol, asin mas importante suboot na mapapakinabangan ini kan mga nasa lokal.
Mientrastanto, igwa man na pigsasagibong upgrade sa Del Gallo Slaughter Houses asin nakapag-avail man ini nin 20 porsiyentos na equity.
Sa presente, igwa na nin 15 LGUs dagdag asin 4 na naiturn-over na asin an iba nasa ongoing constructions pa.
Abiso man kan opisyal sa mga LGUs na magpapa-upgrade nin slaughter house huli sa dai kaya kan Materials Management Information System (MMIS) asin kan LGUs huli sa suboot limitadong pondo, pwedisir magapply sa Philippine Rural Development Project (PRDP) liwat na igwang dakol na requirements, ngani maka-appeal sa programa.
