LEGAZPI CITY—Pigsierto kan Public Safety Office Legazpi na mapadagos sinda sa pagtaong asistensya asin seguridad katakod kan obserbasyon nin Semana Santa sa ciudad.
Segun ki Public Safety Office Legazpi Head Octavio Rivero, sa intrevista kan Bombo Radyo Legazpi, saro sa saindang pigtutukan an bulos nin trapiko kun saen nagpaluwas na man sinda nin traffic advisory sa mga tinampo na aagihan asin an mga paramientras na sarado.
Dugang niya na pag-abot kan Easter Sunday an magkakaigwa man nin pag-deploy nin personahes sa pagsagibo nin misa sa Sawangan Park asin iba pang simbahan, magin sa mga pigkakararigusan.
Pangapudan man niya sa mge deboto na kun pwedesir dae na magdara min mga lunadan sa mga prusisyon nganing dae labing makaapektar ini sa gabat kan trapiko.
Liwat man na nangapudan si Rivero sa mga tricycle drivers na dae manamantala sa pagsingil nin halangkaw na pamasahe, siring man an patanid kaini sa mga pasahero na dae ipagtangkilik an mga colorum na tricyle asin maglunad sana sa mga legal na nagpapasada sa ciudad kan Legazpi.
