LEGAZPI CITY—Naarestar kan mga personahes kan Malinao Municipal Police Station sa pakikipagkoordinar sa Regional Intelligence Unit Region 5 an pigkokonsiderar na Provincial Most Wanted Person sa banwaan kan Malinao, Albay.
Segun ki Albay PPO Provincial Director, PCOL Julius Añonuevo, sa intrevista kan Bombo Radyo Legazpi, an suspetsado sarong 28-anyos, asin residente kan Barangay Tanawan, Malinao, Albay.
Naarestar ini susog sa ipinaluwas na mandamiento de aresto kan Fifth Judicial Region, Branch 3, Tabaco City, Albay na may petsang Enero 2, 2025 sa kasong statutory rape o panlulugos sa menor de edad kun saen warang ining pigrerekomendang piyansa.
Sa presente nasa kustodiya na ini kan Malinao MPS para sa magkakanigong disposisyon.
Mientrastanto, pangapudan man kan opisyal sa mga indibidwal na padagos na nagtatago sa ley na dapat magsuko na, manimbag asin depensaran an saindang sadiri kun wara man nin kasalan nin huli ta may korte man na maproseso kan mga siring na bagay.
