LEGAZPI CITY-Nakapagpadara nin nasa 80 personnel an provincial government kan Sorsogon ngani magtabang sa mga nasalanta kan Bagyong Opong sa provincia kan Masbate.
Segun kay Sorsogon Provincial Government Spokesperson Dong Mendoza, sa intrevista kan Bombo Radyo Legazpi na pang tulong aldaw na sindang naghahatod nin tabang sa provincia kan Masbate.
Nagpadara man suboot sinda nin team para sa clearing operation asin medical roll out sa Dimasalang sa Masbate.
Basado suboot sa instruksiyon kan provincial government kan Sorsogon, an inuton an Masbate City kun sain nagpadara na man sinda nin team ngani magtabang sa anumang kaipuhanon sa nasabing lugar.
Enot na man suboot na nakapagpasar nin resolusyon para sa pagtao nin cash assistance sa Masbate kun sain labing distroso an winalat ni Bagyong Opong.
Mientrastanto, may mga iba pang team na maabot hale sa iba pang provincia ngani makapagtao nin tabang sa provincia kan Masbate
