Inihayag kan International Criminal Court (ICC) an proseso sa apat na aldaw na confirmation of charges hearing katakod kan kaso ng crimes against humanity laban kay dating Presidente Rodrigo Duterte sa saiyang kontrobersyal na kampanya kontra droga.
Segun ki ICC spokesperson Oriane Maillet, mapuon an hearing sa Pebrero 23. Ipinaliwang niya na bako ini trial, kundi pre-trial hearing sana.
Digdi dae pa dedesisyunan kan mga hukom an pagiging inosente o guilty ni Duterte. Imbes susurion pa sana kan pre-trial judges kun bastante an ebidensya nganing darahon sa trial ang kaso kan dating Presidente.
Naenot na inihayag kan ICC na dae tutugutan an trial sa kawaran nin akusado kun makumpirmar an mga kaso. Siringman, tinugutan kan Pre-Trial Chamber I an kahagadan ni Duterte na ioctaba na mag-atendir sa confirmation of charges hearing kasabay kan saiyang salud.
Segun ki Maillet, sa apat na aldaw nin hearing, madadangog kan Pre-Trial Chamber I ang argumento kan prosecution, defense, asin mga legal representatives kan mga biktima.
Pagkatapos kaini, magkakaigwa man nin 60-aldaw an mga hukom ngaining surion an ebidensta asin maggibo nin desisyon kung uusad sa trial an kaso.
