LEGAZPI CITY– Padiit- diit nang nakakabawi an produksyon kan ABACA sa Catanduanes huli sa nagin epekto kan nakalihis na mga pag-uuran sa probinsya.
Sa intrevista kan Bombo Radyo Legazpi kay PhilFiDa Catanduanes Provincial Fiber Officer Bert Lusuegro, padagos man an ginigibong programa sa Abaca Disease management sa tulong Barangay kan Gigmoto sa Catanduanes.
Pinaglalaoman na sa Oktubre an matatapos na an naunambitang programa.
Sulamenteng an Banwaan kan Bagamanoc, Pandan asin San Andres an dae pa naabot kan ADMP o Abaca Disease Manange Program huli sa hibaba asin manageable pa an sitwasyon sa mga banwaan.
Inasigurar man kan naunambitang ahensya na padagos an saindang pagbisita sa gabos na banwaan asin barangay para magtao nin kaaraman sa abaca farmers sa kun papano makaibitar sa helang na posibleng tumama sa mga abaca.
Napag-araman na nagbaba pa an bilang kan mga kaso nin mga apektadong pananom na indikasyon na padiit- diit nang nawawara an helang sa mga Abaca.
Hale sa dating 17% ngunyan an nasa 7.54% na sana an namonitor kan ahensya.
Meintrastanto nangapudan an opisyal sa mga abaca farmers na makipagtabangan sa sainda tangarig dagos nang mawara an naunambitang helang.
