Gadan an sarong bistong vlogger na in-ireport na nagsusuporta ki dating Presidente Rodrigo Duterte makalihis pagbabadilon mantang nagmamaneho sa sarong national highway in Carrascal, Surigao del Sur ngunyan na Domingo nin aga.
Binisto an biktima na si Philip Engbino, 48-anyos, may agom asin tubong Minglanilla, Cebu. Siya man an manager kan EZMMI GenCon, sarong contractor kan Strong Group Mining Corp. (SGMC).
Basado sa report, nagmamaneho si Engbino nin puting pickup truck na pagrugaring kan SGMC kan pagbabadilon pasado alas-6 nin aga sa Barangay Bacolod.
Afuera sa pagiging manager kan kumpanya, aktibo man si Engbino sa social media bilang vlogger asin nagpahayag nn suporta ki dating Presidente Duterte.
Susog sa company records, nagluwas an behikulo ni Engbino sa Gate 2 kan mining facility pasado alas-4:35 nin hapon kan Sabado, Oktubre 3.
Sa ngunyan wara pang pigluluwas na opisyal na pahayag ang Carrascal Police katakod sa insidente.
