Dinepensaran ni Presidente Ferdinand Marcos Jr. an pagtao nin zero budget sa PhilHealth.
Sa sarong pahayag sinabi kaini na dakol suboot na reserbang pondo an PhilHealth na nagkakantidad nin P500 billion.
An serbisyo sana suboot an kaipuhan pondohan kan PhilHealth sa laog nin sarong taon na dae malabi sa P100 billion.
An gastuson kan PhilHealth maabot sa P100 billion sana, kaya dakula pa man giraray an matatadang reserbang pondo kaini.
Dahilan kun nata binawi kan Department of Finance an pondo kan Philhealth huli sa nakaaging duwang taon dakula an dae nagamit digdi.
Huli kaini an subsidiya kan gobyerno sa PhilHealth natetengga sana sa bank account kaini.
Nagtutubod an presidente na kayang-kaya kan PhilHealth na tugunan asin sustentuhan an gabos na saindang gastuson, serbisyo asin pangangaipuhan.
