LEGAZPI CITY – (Update) Pigrerebisa ngonian an mga guidelines sa pagtataong-seguridad sa pigko-construir na Bicol International airport sa Barangay Alobo, Daraga, Albay makalihis an nangyaring pagpapasabog kan ekipahe kan saro sa mga contractor kan erpuerto sa Brgy. Gapo.
Segun ki PLt/Col. Rodelon Betita, hepe kan Daraga Municipal Police Station, pinag-iisipan man an pagdi-deploy nin dugang na tropa sa lugar tangarig na magtao nin seguridad sa publiko.
Ipigduon kan opisyal na igwang detachment an Philippine Army sa lugar alagad harayo suboot ini sa pinangyarihan kan pagsabog na pigtutubudang kagibo kan mga miyembro kan rebeldeng New People’s Army (NPA).
Dugang pa ni Betita na hihilingon an posibleng lapses sa pagtataong-seguridad sa lugar, kun igwa man.
Alagad nanindugan an hepe na harayo an detachment kan militar sa pinangyarihan kan pagsabog kaya dae tulos nakapag responde an mga ini.
Mientras tanto, pinahimutikan man kan Daraga PNP an pigsasabing pagsakyada asin harassment sa mga miyembro kan Philippine Army sa Brgy. Alobo.
