LEGAZPI CITY-Inapudan ni Israeli Prime Minister Benjamin Netanyahu si Pope Leo XIV makalihis an airstrike kan Israel sa Holy Family Church sa Gaza na ikinagadan kan 3 katawo asin maabot sa 10 iba pa an irido.
Maabot sa 600 na mga Palestino an pansamantalang nagtetenir sa nasabing simbahan poon kan karibukan.
Segun sa Vatican, na pigenganyar kan Santo Papa si Netanyahu na magkaigwa nin negosasyon sa pagulatan ninda kan Hamas ngani mapundo na an gera.
Nangangapudan man si Pope Leo XIV mapadpait sa importansya kan pagprotekta sa mga simbahan orog na sa mga mananampalataya asin sa gabos na mga tawo sa Palestine asin Israel.
Pigsierto man kan Santo Papa na dai mawawar sa saiyang pagpangadyi an mg atawo sa Gaza asin Israel na apektado kan gera.
