Nagpaluwas nin maisog na pahayag si Pope Leo XIV na nagpapagirumdom na an pananampalataya an dai dapat gamiton bilang kasangkapan para sa kapangyarihan o gera, kundi para sa katoninongan.
Tinuyaw kan Santo Papa an mga lider na naggagamit nin relihiyon nganing tawan katwiran an kadahasan.
Idinoon kan pontiff na an pananampalataya an dapat na magin tulay para sa katoninongan asin dae nuarin man dapat na magin kasangkapan para sa dominasyon o paghasik nin kadahasan.
Segun sa American Pope, an tunay na katoninongan an dai pigpipirit sa paagi nin pwersa o kadahasan, kundi sa paagi nin dayalogo asin pagsabot.
Nagpatanid man siya na an paggamit kan ngaran nin Dios para sa personal na politikal o militar na interes an nagdadara sana sa kadikloman asin kaatian.
Idinoon ni Pope Leo XIV na an mga “peacemakers” o mga tagapagbusol nin katoninongan an pinagpala, bako an mga naghahasik nin kariribokan.
