Ipinahayag ni U.S. President Donald Trump na importante para sa Pope na masabutan na an Iran an sarong “global threat” asin dai dapat tugutan na magkaigwa nin nuclear weapon.
Idinoon ni Trump na kun an Iran an magkakaigwa nin nuclear capability, mabubugtak sa peligro an bilog na kinaban.
An pahayag an kasunod kan kritisismo kan Santo Papa laban sa U.S.-Israel sa Iran, na inapod niyang “madness of war.”
Segun ki Trump, mantang malayang magtaram an Santo Papa, dapat niyang konsiderahon an mas dakulang peligro na dara kan Iran.
Mientrastanto, nagpapadagos an tensyon sa Middle East kasunod kan mga pag-atake kan Estados Unidos asin Israel laban sa Iran asin mga pagbalos kan Iran laban sa Israel asin sa mga Gulf states.
Rinibong tawo an nagadan asin milyun-milyon an nawaran nin harong huli sa labanan.
Sa ibong kan pahayag ni Trump, nanindugan an Santo Papa na padagos siyang mataram kontra sa giyera.
