Dinagsa kan poco mas o menos 120,000 katawo an sarong stadium sa Douala, an pinakadakulang ciudad sa Cameroon, nganing mag-atender sa misa ni Pope Leo XIV bilang parte kan saiyang apat na nasyon na pagbisita sa Africa.
Ginibo an misa sa Japoma Stadium sa irarom kan mahigot na seguridad.
May mga deboto man na nagpalipas nin banggi sa luwas kan venue nganing personal na masaksihan an Santo Papa.
Sa iyang gospel, nangapodan si Pope Leo sa mga namamanwaan na likayan an kadahasan sa ibong kan katiosan.
Tinawan man niya nin duon na igwang supisyenteng kayamanan para sa gabos kun tama an paghiras.
Sa saiyang pagbisita, pigtuyaw man kan Santo Papa an nag-iiral na inequality asin an impluwensya kan mga makapangyarihan na nasyon sa kinaban.
Dati man siyang nagin kritikal sa nagkapirang lider, kabali si Presidente Donald Trump kan Estados Unidos.
Mientrastanto, an Cameroon padagos na nahahampang sa manlaen-laen na angat sa seguridad asin politika sa irarom kan pamamayo ni Cameroon President Paul Biya.
Sa ibong kaini, mainit an pagtanggap kan mga namamanwaan sa Cameroon ki Pope Leo, na susog sa mga lider kan simbahan an nagtatao nin paglaom asin inspirasyon sa nasyon.
