LEGAZPI CITY-Pig-omaw ni Pope Leo XIV an mga jovenes na nag-atendir kan saiyang misa sa Paris.
Labing 700,000 katawo an nag-atendir sa open-air mass na ginibo sa sarong espesyal na altar sa Place de la Concorde bilang parte kan saiyang apat na aldaw na pagbisita sa nacion.
Bago an misa, igwang motorcade kung saen pinano nin mga tawo an Champs-Elysee Avenue kan saiyang popemobile.
Nagkapirang mga pulitiko an nag-atendir sa misa, alagad enot na nakipag-olay an Santo Papa ki Presidente Emmanuel Macron kan France.
Durante kan saiyang Misa, inenkaminar kan Santo Papa an mga jovenes na papagdanayon an saindang pagtubod asin pabayaan na mag-apaw ini nganing maiheras man ini sa iba.
