LEGAZPI CITY-Dai na ikinakigkig kan sarong Political Science Professor an palitan nin liderato sa Kamara magin sa Senado huli sa na natural na an pagkakaigwa nin pagbabago digdi.
Segun kay FEU Political Science Professor Francisco Riodique, sa intevista kan Bombo Radyo Legazpi na natural na haloy na suboot na pighahalat an nasabing pagbabago huli sa imbuelto digdi an pinakadakulang kurapsyon na naitala sa historya kan Pilipinas.
Dapat sana suboot na magkaigwa nin mga pagbabago huli sa parte an nasabing institusyon asin magin an mga lideres an accountable man sa isyu.
Sinabi pa ni Riodique na kaipuhan an mga siring na mga pangyayari ngani magtubod an mga tawo na igwang pagbabago sa sistema alagad kun dai an iisipon kan publiko na kaparehas sana ini kan dati.
Tinawan doon man kan propesor na “separation of powers” an pinakadakulang sangay kan gobierno asin poon pa kaito an Presidente na an pigbisto bilang makapangyarihan.
Nagkakaigwa man suboot nin mga political alliances sa tahaw kan mga lehislador ngani magin balanse asin ma-retain an mga kaalyado na kinakaipuhan man kan presidente.
Sinabi pa niya na igwa na nin nangyayaring “presidential bandwagon” sa historya kan Pilipinas kun sain nagigin advantage an pagkakaigwa nin political patronage na posibleng magin paagi kan mga relasyon mapadapit sa reward system o loyalty sa mga interior officers.
Laoman man niya na makasuhan an mga imbuelto digdi asin magkasundo an mga politiko ngani dai na madifisilan an nacion na mag move forward.
Dugang pa kan propesor na dapat mapangaranan na an mga imbuelto sa insertions huli sa dai pang nababanggit kun sisay an mga nag-insert nin budget asin nahihiling niya na “very prone” sa kurapsyon an sistema
