LEGAZPI CITY- Suhestiyon kan Land Transportation Office (LTO) Bicol na higotan pa an proseso asin dugangan an mga rekisitos sa pagkua nin lisensya katakod kan mga nangyayarng aksidente sa rehiyon.
Sa intrevista kan Bombo Radyo Legazpi ki LTO Bicol Assistant Regional Director Atty. Vincent Nato, plano suboot kan ahensya na gibuhong dificil an pag-renew kan lisensya na valid nin limang taon tangarig na maasegurar na mga tultol na drayber sana an makakapagmaneho sa tinampo.
Segun ki Nato, naoobserbaran naman kan ahensya an haros magkakasunod na aksidente nanangyayari sa Bicol na kaipuhan na suboot na matawanan nin magkakanigong aksyon.
Abiso pa kan opisyal na pinakamaray man giraray na paagi tangarig na makalikay sa aksidente an pag-iingat asin paglikay sa pag-inom nin arak kun mapadalagan nin behikulo.
Magigirumduman na pinakahuring aksidente na an nangyari sa San Fernando camarines Sur kun sain 13 katawo an nagadan mantang dakol na iba pa an nairido.
