Pighayag kan Philippine National Police an recalibrated approach sa anti-illegal drugs strategy kun sain magigin target an mga sources asin supply chains kan iligal na droga imbes na an mga street-level pushers asin users.
Segun ki PNP chief Police General Rommel Francisco Marbil na magtatao nin atensyon an mga kapulisan sa mga high-value drug personalities asin sa mismong hiro kan iligal na droga sa nacion.
Paliwanag kan opisyal na ini an nagmamando sa iligal na kalakaran asin nakikinabang sa asin bako an mga drug pushers asin users sa mga barangay na komon na nagigin biktima sana.
Obheto kaini na mas magin epektibo an kampanya asin maibitaran an mas madugong drug operations ngani na mas mapangatamanan an diretsos humanos.
Magin si Presidente Ferdinand Marcos Jr. suboot an bako uyon sa madahas na kampanya kontra iligal na droga kumparar sa panahon kan Duterte administration.
Enot na man na pig-orgulyo ni Presidente Marcos na sa irarom kan saiyang administrasyon, nakakumpiskar na nin nasa P44 billion na kantidad nin iligal na droga asin nakapag arestar nin nasa 97,000 drug personalities sa labi sa 71,500 na mga operasyon.
