LEGAZPI CITY—Makalihis an tulong dekada na pagtatago, naarestar kan mga otoridad an saro sa mga pigkokonsiderar na PNP National Most Wanted Person sa kinundusir na operasyon kan mga otoridad sa Barangay Alin, sa banwaan kan Donsol, Sorsogon.
An suspetsado minidbid na si alyas “Bentong,” 57-anyos, asin nahahampang sa kasong Double Murder asin Frustrated Murder sa irarom kan Criminal Case No. 3805 na warang pigrerekomendang piyansa.
An mandamiento de aresto inisyu kan 6th Municipal Circuit Trial Court of Siniloan-Famy, Laguna, kan Pebrero 13, 1992.
Mientrastanto, nasa kustodiya na kan Donsol MPS an suspetsado para sa magkakanigong disposisyon.
